Our Work

अखंड हिंदुस्थानचे मर्दानी दैवत श्री छत्रपती शिवाजी महाराज यांच्या जयंतीनिमित्त श्रीवर्धन, मनरंजन या जोडकिल्ल्याच्या पायथ्याशी असलेल्या राजमाची (उधेवाडी) गावात यंदाची शिवजयंती उत्साहात साजरी करण्यात आली. या सोहळ्या प्रसंगी भैरोबा मंदिर ते हनुमान मंदिर दरम्यान शिवरायांची वाजत गाजत पालखी मिरवणूक काढण्यात आली. महिलांनी फुगड्या घातल्या. गावातील अनेक महिलांनी पालखी थांबवून महाराजांचे औक्षण केले. हभप श्री. योगेश नागरे आणि गडवाटचे ज्येष्ठ मार्गदर्शक श्री. अजयदादा जाधवराव यांच्या अमोघ वाणीतून इतिहासाविषयी महत्वपूर्ण मार्गदर्शन मिळाले.

याचबरोबर गडकिल्ले आणि सह्याद्रीत होणाऱ्या अपघातातून निस्वार्थीपणे बचावकार्य करणाऱ्या रेस्क्यू संस्थांचा गौरव करण्यात आला. त्याप्रसंगी रेस्क्यू संस्थांचे श्री. नंदूदादा चव्हाण, श्री. पद्माकर गायकवाड, श्री. गणेश गिध, श्री. सागर दहिंबेकर, श्री. प्रकाश शेलार आदी प्रमुख मान्यवर व सहकारी उपस्थित होते. यशवंती हायकर्सचे श्री.पद्माकर गायकवाड दादांनी बचावकार्य करणाऱ्या संस्थाबद्दल थोडक्यात माहिती दिली आणि मार्गदर्शन केले. तसेच श्री. भूषणदादा पागेरे आणि श्री. राजू ठोकळ सर यांच्या मार्गदर्शनाखाली शिवजयंती निमित्त या वर्षी राबविण्यात येणाऱ्या करियर मार्गदर्शन या उपक्रमाबद्दल माहिती देण्यात आली व राष्ट्रगीताने कार्यक्रमाची सांगता करण्यात आली.